Ish-sekretari i përgjithshëm i Qeverisë, Muhamed Zekiri, ka thënë se dënimi me dy vjet e gjysmë burg është i pabazuar dhe se vendimin do ta ankimojë përmes ekipit ligjor.
Ai tha se në të gjithë procesin nuk është vërtetuar qëllimi i tij për të lidhur kontrata.
“Unë kam zbatuar vetëm synimet e të tjerëve, pra të Qeverisë, të cilat i ka propozuar zëvendëskryeministri për Çështje Ekonomike, Fatmir Bitiqi”, tha Muhamed Zekiri.
“Kam përmendur në fjalën time përmbyllëse, shembujt në Qeveri, kur ngarkohet Sekretari i Përgjithshëm, thuhet shprehimisht kur bëhet fjalë për zbatimin e prokurimit publik, në këtë rast nuk ka qenë, po ashtu edhe këshilltarët juridikë në Qeveri nuk kanë kundërshtuar. “Nuk kam qenë unë ai që i kam parë kontratat, por ato janë parë nga ekspertë juridikë në Qeveri dhe në asnjë moment nuk më kanë treguar që nuk duhet të firmos”, shtoi ish-sekretari i përgjithshëm.
Muhamed Zeqiri akuzohet se në periudhën nga prilli i vitit 2021 deri në janar të vitit 2022, në cilësinë e Sekretarit të Përgjithshëm të Qeverisë, pa kryer prokurim publik, ka lidhur kontrata për shërbime konsulente në vlerë të përgjithshme prej gati një milion euro, gjegjësisht 147 mijë euro më shumë. së shuma e marrëveshjes e cila ishte 795 mijë euro.
