Patriarku serb Irinej ka lënë një amanet para se të humbte jetën nga koronavirusi. Mediet e huaja raportojnë se amaneti i Irinej lidhet pikërisht me Kosovën, ku ai ka kërkuar të mos hiqet dorë prej saj.
“Pozicioni i tij ishte shumë i qartë për çështjen e Kosovës dhe Metohisë dhe patriarku ynë gjithmonë theksoi se ne nuk duhet të heqim dorë nga toka jonë e shenjtë, Jeruzalemi, Prizreni ynë, Patriarkana e Pejës, Deçani ynë, Graçanica. Se është zemra dhe shpirti ynë. Se nëse heqim dorë nga Kosova dhe Metohia dhe largohemi nga këto hapësira të shenjta, ne nuk do të ekzistojmë më dhe nuk do të jemi ata që kanë qenë gjithmonë të parët tanë dhe shenjtorët tanë, dhe se do të bëhemi diçka krejtësisht e ndryshme, e huaj për ne dhe jo e veçantë për ne”, ka thënë peshkopi Teodosije.
Kreu i Kishës Ortodokse Serbe, Patriarku Irinej, ndërroi jetë nga koronavirusi pak ditë më parë. Ai njihej për ndikimin politik që kishte në Serbi dhe deklaratat plot urrejtje kundër shqiptarëve.
