Deri në fund të mandatit, qeveria e re do të rrisë pagën minimale në 20.000 denarë dhe mesatarja do të jetë 34.000 denar. Këtë e bëri të ditur sot kreu i LSDM-së, Zoran Zaev në konferencën për shtyp në Shtip.
Ai njoftoi se pensionet do të rriten sipas kostos së jetesës dhe pensionet më të ulëta do të rriten me 21 përqind deri në vitin 2024.
Për më tepër, Zaev premtoi 2.2 miliard euro investime publike dhe 1.2 miliard euro investime private direkte. “Kjo do të zvogëlojë papunësinë me 3% në vit dhe papunësinë një shifrore deri në fund të mandatit,” tha Zaev.
Sipas tij, qeveria e LSDM-së në mandatin e ri do të ndërtojë rrugë të modernizuara në gjatësi prej 300 km dhe rrugë lokale në gjatësi prej 950 km dhe do të vazhdojë me investime serioze në gazifikim.
