Këto ditë pritet të arrijnë dy-tre mijë vaksinat e para nga 8.000 të dakorduara nga vaksinat serbe nga Fajzer të cilat definitivisht janë harmonizuar dhe dakorduar politikisht. Javën e ardhshme priten edhe informacionet e para për sasitë e para përmes sistemit KOVAKS, ndërsa në shkurt priten vaksinat të cilat janë kontraktuar direkt me kompaninë “Fajzer” deklaroi sonte kryeministri Zoran Zaev.
“Bashkimi Evropian zhvillon mekanizma se si sa më shpejtë të na konfirmojë dhe unë duhet të shpreh mirëkuptim, siç kamë dhënë edhe kritika, për mospërmbushjen e pritshmërisë të sasive të prodhuara nga kompania “Fajzer”, kur vendet të cilat duhej të merrnin mesatarisht 100 njësi, morën 12-13 njësi, në turin e parë, në të dytin gjithashtu janë ulur sasitë”, tha kryeministri Zaev në emisionin “Triling” duke sqaruar se ky është shkaku për pamundësinë që vendet evropiane të ndajnë vaksina me vendet e Ballkanit Perëndimor siç ishte menduar, gjegjësisht pesë për qind nga sasitë e mara.
Tema për vaksinat e okupoi gjithë botën jo vetëm neve, tha Zaevi, dhe definitivisht kemi ndjesi të pakëndshme për shkak të asaj se i gjithë Ballkani Perëndimor mbetet pas, përveç Serbisë e cila, tha, nuk ka aspirata për NATO dhe normal më shumë është e hapur kah bota lindore Kina dhe Rusia dhe bën marrëveshje me to.
“Ne jemi anëtare e re e NATO-s, në përgjithësi qëndrojmë kah bota perëndimore dhe vaksinat e konfirmuara nga institucionet e atjeshme shëndetësore”, vlerësoi kryeministri Zaev duke shtuar se selia qendrore e Fajzer për Evropën Juglindore është në Beograd dhe për këtë qytetarët serbë morën sasi të caktuar të vaksinës nga kjo kompani.
Duke informuar se është në kontakt të vazhdueshëm me autoritetet në Serbi, kryetari i Qeverisë Zaev tha se pret që 2-3.000 vaksinat e para nga ato 8.000 të dakorduara nga ana serbe, të arrijnë sa më shpejtë, duke sqaruar se kjo do të realizohet pasi do të merren lejet e nevojshme nga kompania. “Ajo që është e qartë dhe duhet ta dinë qytetarët është se për herë të parë në secilin vend vaksina duhet të hyjë që të regjistrohet, nuk mund të bëhet kjo më herët”, theksoi kryeministri Zaev.
Ai shtoi se pret çdo ditë të merret leje nga selia qendrore në Nju-Jork, e “Fajzer” të lejojë Qeveria serbe të dorëzojë vaksinat edhe atë në këste për shkak të transportit specifik. Vendi ynë, tha kryeministri Zaev, është plotësisht i gatshëm me frigoriferë të siguruar për vaksinat dhe tashmë është vendosur sistemi për vaksinim, ndërsa të parët do ta marrin punonjësit mjekësor nga spitalet e KOVID të cilët janë në numër 7.850, personeli tjetër mjekësor, të sëmurët kronikë dhe më të moshuarit.
