Komisioni për Sëmundje Infektive (KSI) është ajo që vendos, por unë do të doja që në shtator mësimi të jetë me prezencë fizike në raste se gjendja me Kovid-19 e lejon një gjë të tillë, tha kryeministri Zoran Zaev, në konferencën e sotme për shtyp.
“Për shkollat kam qëndrim timin. Por, gjithsesi se më e rëndësishme është se si do të jetë gjendja me koronavirusin kah fundi i gushtit. Megjithatë, unë personalisht jam për mësim me prezencë fizike. Mendoj se do kemi gjendje stabile dhe tani që shifrat po ulen, do të duhej të ishte një bazë e mirë për mësim me prezencë fizike. Në rast se ka nevojë pastaj mund të shkojmë me masa të reja, përfshi edhe mbylljen”, tha Zaev.
