Kryetari i LSDM-së, Zoran Zaev i është kundërpërgjigjur liderit të VMRO-së, Hristijan Mickoski i cili sot kërkoi që zgjedhjet të mbahen në mesin e muajit korrik.
Zaev ka thënë se data e zgjedhjeve nuk është dhe nuk mund të jetë dëshirë e një partie a apo dëshirë personale por ajo është caktuar me kushtetutën dhe ligjet.
“Duhet me urgjencë të mbahen zgjedhjet dhe të kthejmë me urgjencë institucionet të cilët duhet t’i shërbejnë qytetarët me kapacitet të plotë dhe legjitimitet. Kjo është më se e nevojshme për përballjen me krizën ekonomike dhe shëndetësore e shkaktuar nga Kovid-19. Mickoski dhe VMRO-DPMNE nuk e kanë me rëndësi shëndetin e qytetarëve, këtë e kanë vetëm arsyetim për mos të ketë zgjedhje. Në takimin tek Pendarovski, Mickoski nuk përmendi as Sh nga shëndeti i qytetarëve, as SH nga shëndetësia ose kriza shëndetësore. Tre vite VMRO-DPMNE po bën opstrukcione, pengesa dhe bojkote. VMRO kërkoi zgjedhjet të parakohshme. Nga dhjetori e këndej kërkojnë arsye për t’i anuluar, e dinë se qytetarët do t’i dënojnë, e dinë se do të humbin. Nuk ka më ikje, nuk ka anulime. Mjaftë më!”, ka shkruar Zoran Zaev.
Zaev ka shkruar se frika nga humbja në zgjedhje nuk guxon të jetë arsye për asnjë parti që ti bojkotojë zgjedhjet ose të kërkojë shtyerjen e tyre dhe me këtë ti vendos në rrëzim popullin dhe shtetin.
“Të gjitha kushtet kushtetuese dhe ligjore për mbajtjen e zgjedhjeve janë plotësuar. KSHZ si trup ekzekutiv ka obligim ti realizojë zgjedhjet të cilat sipas ligjit dhe Kushtetutës janë më 5 korrik. Për mosveprim sipas ligjit pason përgjegjësi. Nuk do të lejojmë që Mickoski ta shtyjë vendin në krizë institucionale, pa Kuvend dhe Qeveri politike, nuk do të lejojmë të rrezikohen siguria dhe shëndeti i qytetarëve. Ne nuk duam zgjedhje pa opozitën, por nëse Mickoski vendos ashti, ne do të dëshmojmë [farë mund të bëjmë në një mandat pa sabotime”, ka shkruar më tej Zaev./ SHENJA
