Ndërsa Maqedonia i afrohet ditës “D” – retorika dhe mesazhet e dërguara nga politikanët forcohen dhe shndërrohen në thirrje personale dhe nën nivelin politik informon TetovaSot . Shigjetat verbale gjatë kësaj periudhe, janë veçanërisht në shtegun ndërmjet partnerëve ende aktualë të koalicionit midis Zaevit dhe Ahmetit.
Në një intervistë për “Syri TV” ditën e djeshme, kreu i BDI-së e cilësoi pretendimin e të parit Socialdemokrat se BDI do të jetë opozitë me deklaratën kundrejt tij se “këto deklarata Zaev i bën në kafe kur pi edhe dy gota raki se kur është me mua flet ndryshe. Unë nuk jam nga ata që ndryshe flasin paradite e ndryshe pasdite. Për ne më mirë është të fitojë partneri aktual, por prapë vendosin qytetarët. Por kështu është Zaev, bën deklarata. Unë nuk jam i tillë”, theksoi Ahmeti.
Zaev në një prononcim për TV 21 tha që Ahmeti kishte humbur plotësisht parashikimin.
Nëse dikush nuk pi alkool ai është Zoran Zaev. Ai dështoi plotësisht. Kështu që Zoran Zaev mund të thotë gëzuar me verë të Maqedonisë, raki shtëpiake, por nën ndikimin e alkoolit kurrë nuk kam qenë në jetën time”, tha Zoran Zaev.
Për analistët politikë, kjo luftë ka një qëllim, një betejë për votat shqiptare. Xhelal Neziri për TV 24 analizon se me këtë betejë LSDM shpreson të kthejë me kusht votat e shqiptarëve nga viti 2016.
Sipas Nezirit, BDI po mundohet të përdorë grindjen me LSDM për votat shqiptare, të cilat, siç thotë ai, do të reagojnë emocionalisht kundër kundërshtimit të LSDM-së ndaj idesë së Kryeministrit shqiptar. Ish partnerët e koalicionit kanë nisur fushatën duke i kërkuar në mënyrë të përsëritur Ahmetit që të përgatitet për opozitën, pasi është e shëndetshme si për shtetin ashtu dhe për të.
Ahmeti ia ktheu në të njëjtën monedhë duke thënë se ishte ai që e beri Zaevin kryeministër dhe se në vitin 2016 kishte folur ndryshe për BDI-në.
