Xherdan Shaqiri është larguar ditën e djeshme nga kombëtarja e Zvicrës.
Ai do të mungojë në 2 ndeshjet kualifikuese të Europianit kundër Gjeorgjisë dhe Danimarkës.
Shqiptari ka lënë grumbullimin dhe shkak është bërë një problem shëndetësor që ai ka hasur së fundmi.
27-vjeçari nga Gjilani ka ndjerë dhimbje në zonën e gjoksit dhe është detyruar të braktisë ekipin kombëtar.
Shaqiri nuk është aktivizuar as javën e fundit me skuadrën e Liverpulit.
Problemet e tij shëndetësore kanë alarmuar edhe klubin e kuq dhe nuk dihet ende sa do mungojë futbollisti shtatshkurtër.
