Presidenti i shtetit, Stevo Pendarovski, pritet që nesër t’ia jap mandatin për krijimin e kabinetit të ri qeveritar kryetarit të ri të LSDM dhe mandatarit, Dimitar Kovaçevskit. Pritshmëritë e Kryeparlamentarit janë se propozimin për qeverinë e re dhe programi do të parashtrohen më 10 ose 11 janar, ndërsa të votohet deri në mesnatën e 16 janarit.
Në lidhje me kërkesën e VMRO-DPMNE, që e parashtruan dje në Kuvend, për mbajtjen e seancës për pyetje deputetësh këtë të enjte, më 30 dhjetor, Xhaferi tha se kësaj pyetje iu ka përgjigjur më 23 dhjetor, se Qeveria është në dorëheqje dhe se nuk ka logjikë që të ketë pyetje deputetësh.
Xhaferi në deklaratën e tij vetore për punën vlerësoi se shtëpia ligjvënëse e ka konfirmuar efikasitetin dhe produktivitetin e vet edhe përkundër kushteve kufizuese për shkak të Kovid-19. Nga gjithsej 59 seanca plenare, 39 janë përfunduar. Në vitin 2021 janë sjellë gjithsej 209 ligje prej të cilave 111 me procedurë të rregullt dhe 79 me procedurë të shkurtër.
