Ramush Haradinaj ka thënë se nëse Evropa vazhdon të injorojë Kosovën si shtet dhe kërkesat e kosovarëve, atëherë në vitin 2025 mund të jetë i mundshëm referendumi për bashkimin me Shqipërinë.
Në mëngjesin e sotëm, presidenti serb Aleksander Vuçiq ka reaguar ndaj kësaj deklarate. Vuçiqi e ka quajtur Haradinajn si person të rrezikshëm.
“Haradinaj është një njeri i rrezikshëm. Deklarata e tij është një kërcënim për të gjithë. “Shqipëria e Madhe” është një koncept i rrezikshëm. Në rast se do të ketë referendum për bashkimin e Kosovës e Shqipërisë, Serbia do të ketë përgjigje adekuate për këtë”, ka thënë Vuçiqi.
Presidenti serb ka thënë se në rast se Kurti do të bëhet kryeministër e Haradinaj president, Kosova do të kishte fuqi për bashkimin me Shqipërinë. “Haradinaj synon të bëhet president dhe Albin Kurti kryeministër. Në këtë rast, bashkimi i Kosovës me Shqipërinë do të jetë i mundshëm”, ka thënë Vuçiqi.
