Komisioni Qendror i Zgjedhjeve në Shqipëri ka bërë përditësimin e fundit me rezultatin e numërimit të votave, ku Partia Socialiste vazhdon të thellojë avantazhin përpara Partisë Demokratike.
Kur janë numëruar 40 për qind e rezultateve, PS ka marr 49.42 për qind e ndjekur nga PD me 38.8 për qind.
Në zgjedhjet e së dielës kanë qenë edhe tre kandidatë të Lëvizjes Vetëvendosjes, Boiken Abazi, Iljaz Shehu dhe Kreshnik Merxhani.
Nga numërimi preliminar i 2,104 vend votimeve nga 5,199 sa janë në total, këta kandidatë kanë marr 924 vota.
Rezultati preliminar në Shqipëri – PS merr 77 deputetë, PD me 56, LSI me 5 dhe PSD me 2
Boiken Abazi që ka kandiduar në Tiranë ka marr 714 vota, ndjekur nga Iljaz Shehu i cili ka kandiduar për Qarkun e Lezhës ka marr 157 vota, ndërsa Kreshnik Merxhani nga Qarku i Gjirokastrës ka marr 53 vota.
Në këto zgjedhje kanë pasur të drejtë të votojnë 3,588,869 qytetarë me të drejtë vote.
Për 140 vende në Parlamentin shqiptar kanë garuar 1,841 kandidatë nga 13 parti, koalicione apo të pavarur.
