Nake Georgiev dhe Ixhet Memeti janë shembull pse është e nevojshme shpërbërja e Këshillit Gjyqësor dhe Këshillit të Prokurorëve Publikë. Njëri është i afërt me Zaevin dhe Filipçen, tjetri me Ahmetin. Nake Georgiev, i cili pranoi fajin për marrjen e ryshfetit për të zbutur një dënim me burg, gjatë kohës së LSDM-së dhe BDI-së, nga një gjyqtar i zakonshëm u bë gjyqtar i Gjykatës së Lartë dhe anëtar i Këshillit Gjyqësor. Ndërsa ai përparonte në hierarkinë gjyqësore, djali i tij gjithashtu u bë gjyqtar, ndërsa gruaja e tij është prokurore publike,” njoftoi sot VMRO-DPMNE.
Partia në qeveri thekson: “Nake Georgiev ka keqpërdorur pozicionin e tij duke ndërhyrë në vendimet gjyqësore. Izet Memeti ishte zëvendëskryetar i Këshillit të Prokurorëve Publikë gjatë kohës së LSDM-së dhe BDI-së, dhe ai e ndihmoi Naqe Georgievin për të siguruar një dënim më të ulët për Boro Marlboro.”
Edhe Nake Georgiev edhe Ixhet Memeti kanë vendosur për gjyqtarët dhe prokurorët, kanë avancuar dhe sanksionuar. Çfarë lloj veprimesh kanë ndërmarrë këta dy funksionarë të korruptuar dhe sa padrejtësi kanë shkaktuar? Korrupsioni që e shohim përmes Nake Georgievit dhe Ixhet Memetit është arsyeja pse është e nevojshme shpërbërja e Këshillit Gjyqësor dhe Këshillit të Prokurorëve Publikë. Vetëm në këtë mënyrë do të rikthehet besimi i popullit në sistemin gjyqësor,” është qëndrimi i partisë.
