Pajazit Pajaziti, gjykatës i afërt me BDI-në dhe LSDM-në, e liroi Blerim Ramadanin në arrest shtëpiak, që ai të arratisej lehtësisht, akuzoi sot në një konferencë për shtyp deputeti i VMRO-DPMNE-së, Bojan Stojanoski.
– Pajazit Pajaziti është i njëjti gjykatës që vendosi edhe për hyrjen në kullën e kontrollit të fluturimeve në aeroport, si dhe për dënimin me kusht të Ixhet Memetit në rastin e ryshfetit. Sa herë që LSDM dhe BDI kanë interes, aty është Pajazit Pajaziti. Kërkojmë që institucionet të hapin menjëherë procedura dhe Pajazit Pajaziti të shkarkohet nga detyra e gjyqtarit. Instalimet e LSDM dhe BDI në gjyqësor duhet të lirojnë sistemin, që ai të mund të funksionojë. Përgjegjësi për Pajazitin menjëherë – tha Stojanoski.
Ai shtoi se kuadrot e LSDM-së dhe BDI-së në gjyqësor e kanë lënë Blerim Ramadanin të arratisej dhe theksoi se janë të nevojshme reforma të menjëhershme në gjyqësor.
