Koalicioni VLEN përmes një komunikate për media i ka reaguar deputetes opozitare të “Frontit Evropian”, Ilire Dauti, e cila më herët ka akuzuar ministrin e Shëndetësisë se ka emër 11 u.d drejtor në klinikat e Shkupit, prej të cilëve asnjë shqiptar.
Më poshte mund ta lexoni te plotë reagimin.
Ilire Dauti paska guxuar shqiptarët ti shumëzon me zero – E paska kapur paniku!
Sa u përket akuzave nga frontmenia e Ziadin Selës dhe megafonia e Artan Grubit, ne nuk i komentojmë ato, sidomos kur përmbajnë akuza të pabaza. Por, mendojmë se Ilire Dauti në vazhdimësi e kanë përsëritur shumë qartë mbështetjen e koalicionit me BDI-në edhe pse kjo parti u ka kushtuar shumë shqiptarëve 22 vite, prandaj po reagojmë. Ajo tani plotësisht mbështet përpjekjet e tyre të pashpresa që t’iu ndihmohet të arrijnë në fazën kur të normalizojnë raportet mes veti, a do mbeten në opozitë, apo të “luten” te zyra “161” në Kuvend ose te Mickoski; dhe si të ndalojnë braktisjen e atyre që u kishin besuar me 8 maj!? Kuptohet, në zor janë në opozitë, por ç’fajë ju ka Taravari?!
Sa për informatë të Ilires dhe të llojit të saj, drejtorët e emëruar këto ditë nëpër Klinikat e Shkupit, janë pozita të cilat i kanë udhëhequr maqedonasit edhe në qeverinë e kaluar BDI-LSDM. Drejtorët e deritanishëm maqedonas të emëruar nga LSDM janë dorëhequr dhe të njejtit janë zëvendësuar me kuadro nga VMRO-DPMNE.
Pozitat që kanë qenë edhe në qeverinë e kaluar të rezervuara për shqiptarët mbetën të njejta, dhe shtohen edhe te tjera e të cilëve Taravari po i zgjedh me kujdes, kuadro të dëshmuara, me të cilët opinioni do të njihet ditëve të ardhshme.
Ndërkohë, disa prej tyre tashmë janë emëruar: Bekim Pocesta në Klinikën për Kardiollogji dhe Fatmir Mexhiti në Neurologji.
VLEN do të ketë këto drejtori:
Klinika Universitare e Kardiologjisë – Shkup
Klinika Universitare për Sëmundje të Fëmijëve – Shkup
Klinika auniversitare e Urologjisë – Shkup
Klinika Universitare e Neurologjisë – Shkup
Klinika për Gjinekologji dhe akusheri “Nënë Tereza” – Shkup
Spitali i specializuar apo klinika për geriatri “13 Nëntori” – Shkup
Spitali Psikiatrik – Shkup
Institucioni publik për nevojat dhe shërbimet e klinikave universitare, Entin dhe Qendrën Emergjente – Shkup
Qendra e Shëndetit Publik – Shkup
Qendra e Shëndetit Publik – Kumanovë
Drejtoria për ilaçeve dhe pajisje mjekësore – MALMED
Spitali Klinik i Tetovës
Spitali i specializuar i nefrologjisë në Strugë
Spitali i përgjithshëm – Dibër
Spitali “Ferid Murad” në Gostivar
Instituti për Transfuzion – Shkup
Instituti për mjekësinë e punës në Shkup
Shtëpia e Shëndetit Publik – Qendrore Shkup
Shtëpia e Shëndetit Publik – Tetovë
Shtëpia e Shëndetit – Kumanovë
Shtëpia e Shëndetit – Kërçovë
Shtëpia e Shëndetit – Gostivar
Shtëpia e shëndetit – Strugë
Shtëpia e Shëndetit – Likovë
