Kryetarja e Kuvendit, Vjosa Osmani, do të ushtrojë postin e presidentes. Kjo parashihet me Kushtetutën e Kosovës, në rastet kur nga posti largohet presidenti.
Këtë e parasheh neni 90 i Kushtetutës në dy pikat e para. Ndërkohë pika e tretë e këtij neni precizon se posti i presidentit nuk mund të ushtrohet më gjatë se gjashtë muaj.
Sot, Hashim Thaçi dha dorëheqjen pasi i është konfirmuar aktakuza nga Specialja.
Kjo kishte ndodhur edhe më 2011.
Jakup Krasniqi ishte bërë ushtrues i detyrës së presidentit pas dorëheqjes së Behgjet Pacollit.
