Ish-ushtari i Ushtrisë Çlirimtare të Kosovës, Nasim Haradinaj, është liruar sot nga të gjitha akuzat nga Gjykata Speciale në Hagë.
Gruaja e Nasimit Gjejlone Haradinaj ka thënë se Nasimi është liruar dhe se po e presin kthimin e tij në Gllogjan.
”Po, mundem me ua konfirmu se Nasimi është liruar. Jemi duke shku me u taku me të. Po e presim në Gllogjan që të na vije. Jemi shumë të lumtur që drejtësia po triumfon. U dëgjova me Nasimin tash na tha që po vjen”, tha ajo për indeksonline.
Dhomat e Specializuara në Hagë më 14 dhjetor kanë modifikuar dënimin ndaj ish-nënkryetarit të Organizatës së Veteranëve të Luftës së Ushtrisë Çlirimtare të Kosovës (OVL-UÇK), Nasim Haradinaj.
Modifikimi i mundëson Haradinajt lirimin nga burgu, nën disa kushte, kanë njoftuar Dhomat e Specializuara në Hagë.
Në maj të vitit 2022, Haradinaj, së bashku me kryetarin e atëhershëm të OVL-UÇK, Hysni Gucati, u dënuan me katër vjet e gjysmë burgim për akuzat për pengim të drejtësisë.
Më pas, Apeli ua uli dënimet për tre muaj.
Gucatit iu modifikua dënimi më 17 tetor, që i mundësoi lirimin nga burgu, me kushte.
