Një vjedhje e pazakontë ka ndodhur në Podgoricë kur një dyqan optik është grabitur gjatë natës duke hapur një tunel nga lokali fqinj.
Në foton e publikuar në faqen e optikës shihet qartë hapësira nëpër të cilën kanë kaluar grabitësit dhe me atë rast kanë marrë mbi 200 copë syze dielli.
Kujdes, mbroni bizneset dhe dyqanet, shkruan ata.
Kjo u kujtoi shumë njerëzve nga Podgorica tunelin e gërmuar së fundmi në ndërtesën e Gjykatës, gjithashtu në kryeqytetin e Malit të Zi.
– Po të mos ishte qesharake, do të ishte e trishtueshme. Ndoshta hajdutët kanë përdorur taktikën dhe kanë gjetur frymëzim për grabitjen e tyre. Do të ishte më e lehtë për ta të punonin dhe të fitonin para sesa të hapnin atë tunel, thotë Bojan P. nga Podgorica.
Për gjithë rastin janë njoftuar institucionet kompetente, ndërsa autorët janë duke u kërkuar.
