Mot shumë i nxehtë me temperatura mbi mesataren që do të jenë mbi 40 gradë në vend do të vazhdojë edhe nesër. Të dielën dhe të hënën do të ulet me disa gradë, por nga e marta do të rritet përsëri dhe do të arrijë 42 gradë.
Nesër temperatura maksimale do të lëvizë nga 28 deri në 41 gradë, të dielën dhe të hënën nga 30 deri në 38 gradë, ndërsa të martën nga 32 në 40 gradë, të mërkurë nga 33 në 41 gradë dhe të enjten nga 33 deri në 42 gradë.
Meteorologët paralajmërojnë pasdite në zonat malore në veri do të ketë kushte për shfaqje të izoluar të shiut afatshkurtër dhe bubullima të rralla. Temperatura maksimale do të jetë në interval nga 33 në 41 gradë.
Për shkak të motit të nxehtë, autoritetet apelojnë që të respektojnë masat e përgjithshme për mbrojtjen e shëndetit, të lirojnë nga puna grupet më të prekshme, përfshirë gratë shtatzëna, si dhe personat mbi moshën 60 vjeç, fëmijët nga kopshtet për të mos qenë jashtë nga ora 11 deri në 17 pasdite
Rekomandohet të qëndroni më shumë brenda, dhe kur është e nevojshme në të hapur, për të gjetur mundësinë për pushim më të shpeshtë në hije. Vishni rroba të lehta dhe të ngjyrshme, dhe në ekspozimin e drejtpërdrejtë në diell, vishni syze dhe kapelë dhe përdorni krem me faktor të lartë mbrojtës. Hani më pak ushqim, kryesisht fruta dhe perime, dhe më pak ushqime me yndyrë. Pini shumë lëngje, mundësisht ujë të pijshëm të thjeshtë, dhe shmangni pijet alkoolike. Kur hyni në një automjet, është e nevojshme të ajrosni atë për një periudhë të caktuar.
Personat e sëmurë kronikë këshillohen të marrin rregullisht terapinë e përshkruar, në konsultim me mjekët amë.
Për shkak të temperaturave të larta dhe rritjes së mundësisë së helmimit nga ushqimi dhe sëmundjeve infektive të zorrëve, rekomandohet të lani produktet bujqësore dhe kopshtare (perime dhe fruta të freskëta) para përdorimit të tyre, përgatitjes termike të ushqimit dhe konsumimit të tij menjëherë pas përgatitjes.
