Në një operacion të madh policor, pjesëtarët e Ministrisë së Punëve të Brendshme në Novi Pazar arrestuan tre persona në lidhje me vrasjen brutale të 28-vjeçarit Nusret Destanoviq nga Tutini. Mes të arrestuarve është edhe E.J. (18) nga Sjenica, i dyshuar për vrasje të rëndë në bashkëpunim, si dhe Elvis Hrnjak (40) nga Novi Pazari, i akuzuar se ka ndihmuar autorin pas kryerjes së krimit. Personi i tretë Rijalda Haci (27) nga Sjenica është ndaluar për shkak se nuk ka denoncuar përgatitjen e krimit. Ndërsa Sead Zeqovic është në arrati dhe i pakapshëm për autoritetet policore.
“Sanxhak danas” ka publikuar dy video ku tregohen momentet kyçe që i kanë paraprirë vrasjes tragjike të Nusret Destanoviqit. Videot tregojnë Golf IV, në pronësi të Destanoviq, duke hyrë në oborrin e një ndërtese, duke u kthyer dhe duke parkuar. Sead Zeqoviq ish buri i Rijalda Haçi zbret nga vetura nga sedilja e shoferit, vrapon në sediljen e pasagjerit dhe aty me ndihmën e një objekti të mprehtë e godet disa herë Nusret Destanoviqin, duke përfshirë edhe ato fatale.
Në veturën Golf IV në pronësi të Nusret Destanovic ka ende gjurmë gjaku. Ato gjurmë gjaku, si dhe videoja, janë dëshmi e pakundërshtueshme kundër Sead Zeqovicit se ai e ka vrarë Nusret Destanoviqin, transmeton “Sanxhak danas”, i cili ka edhe foton e veturës dhe të brendshme të saj.
Sipas informacioneve jozyrtare, Sead Zekovic dhe E.J. (18) nga Sjenica fillimisht e ka sulmuar fizikisht Nusret Destanoviqin para se ta futë me forcë në veturën e tij, në sediljen e pasagjerit. Një video tjetër, e regjistruar pas vrasjes, tregon Sead Zeqovicin duke pirë ujë nga një armë në një lavazh pas krimit.
