Trajneri i PAOK-ut, Razvan Luçesku, pas humbjes së ngushtë nga AEK-u me rezultat 1:0, “humbi kontrollin” dhe filloi një përleshje fizike me tifozët e klubit të Athinës.
Në një video që është shfaqur, Luçesku sulmoi disa tifozë të AEK-ut, pasi ata ngritën fanellën e klubit të Athinës para autobusit të lojtarëve të PAOK-ut.
Punonjësit e PAOK-ut u përpoqën ta ndalonin Razvanin, por nuk ia dolën, ndaj policia u detyrua të ndërhyjë.
PAOK Teknik Direktörü Razvan Lucescu ve yardımcıları, AEK ile deplasmanda oynadıkları maç sonrası otopark alanında taraftarlara saldırdığı için 4'er ay futboldan men cezası aldı.pic.twitter.com/WOqrpZmf71
— Deportes Reports (@DeportesReports) December 30, 2024
Është vërejtur se një grup i madh policësh u drejtuan drejt Razvanit, ndërsa ai përpiqej të afrohej te tifozët e AEK-ut.
Incidenti rezultoi me një pezullim prej katër muajsh për trajnerin rumun. Përveç kësaj, ai u gjobit me 15,000 euro, ndërsa klubi PAOK mori një gjobë dyfish më të madhe, prej 30,000 eurosh.
Gjithashtu, u pezulluan edhe ndihmësit e tij: Pantelis Konstantinidis, Georgios Tsanakis, Georgios Theodoridis dhe Athanasios Kapoulas.
