Pas skandalit në Turqi dhe sulmit të presidentit të klubit të futbollit Ankaragucu, Faruk Koca ndaj arbitrit Halil Umut Meller, drejtuesit e ligës në Turqi e ndërprenë garën.
Pas përfundimit të ndeshjes mes Ankaragucu dhe Rizaspor me rezultat 1:1, dhe pas golit të kundërshtarit në minutën e 97-të, njeriu i parë i klubit e goditi me grushta arbitrin në kokë.
Ankaragücü Başkanı Faruk Koca, Ankaragücü – Rizespor maçını hataları ile mahveden hakem halil umut meler'e maç sonu koşarak yumruk attı! pic.twitter.com/7ZZr56owMk
— Ankaragücü Lord (@AnkaragucuLord) December 11, 2023
Siç shkruajnë mediat turke, si Meller ashtu edhe Koca janë dërguar menjëherë në spital dhe Koca ka shkuar në spital nën shoqërimin e policisë, ndaj pritet që pas ekzaminimit dhe mjekimit të ndalohet. Në ndeshje, arbitri i sulmuar përjashtoi një lojtar nga të dyja skuadrat dhe më pas Rizespor barazoi me golin e Adolfo Gajcit.
E gjithë Turqia u trondit nga egërsia, ndaj ka reaguar edhe presidenti Recep Tayyip Erdogan.
“Dënoj sulmin ndaj arbitrit të futbollit Halil Umut Meller pas ndeshjes Ankaragucu – Rizespor dhe i uroj shërim të shpejtë”, citohet të ketë thënë Erdogan në mediat turke.
Njeriu i parë i futbollit atje, Mehmet Buyukeksi, më vonë pretendoi se Superliga ishte shtyrë “pafundësisht” pas aktit të dhunshëm.
Arbitri i sulmuar Halil Umut Meller është 37 vjeç dhe është në listën e arbitrave elitë të UEFA-s, kështu që këtë sezon ka arbitruar tre ndeshje të Ligës së Kampionëve.
