Një sulm në një ndërtesë pranë një spitali në Khan Yunis në Rripin jugor të Gazës vrau disa njerëz dje, thanë burime të shumta, duke shtuar se sulmi i atribuohej Izraelit.
Një zëdhënës i autoriteteve shëndetësore të kontrolluara nga Hamasi ka qaruar se ka 20 të vdekur dhe dhjetëra të plagosur në Khan Yunis. Shërbimi i Urgjencës Palestineze të Gjysmëhënës së Kuqe shkroi në Platformën X: “Dhjetëra të martirizuar dhe të plagosur në bombardimin e një pallati përballë spitalit Al Amal”.
"We can't take it anymore"
A man at the hospital in Khan-Younis collapses in grief following the massacre that took the lives of 20 civilians earlier today. pic.twitter.com/vy4PtKkvVw
— TIMES OF GAZA (@Timesofgaza) December 28, 2023
Zyrtarët shëndetësorë nga grupi islamik Hamas thanë se vdekjet e reja e çuan numrin e të vdekurve nga sulmet izraelite në Rripin e Gazës në 195 në 24 orët e fundit. Një zëdhënës i Hamasit, i cili është klasifikuar si një grup terrorist nga BE dhe SHBA, tha se 16 familje u prekën, ndërsa 325 të tjerë u plagosën.
