Luani që ishte arratisur nga një cirk në Viale Mediterraneo në Ladispoli, pranë Romës, është kapur duke krijuar kuriozitet dhe konfuzion tek njerëzit. Kafsha, pasi u strehua në një kallami, më pas u pa duke u endur nëpër disa rrugë të qytetit në bregun e Lazios.
Ai është vënë në gjumë nga stafi veterinar dhe më pas është transportuar në ambientin përkatës. Policia, Karabinierët dhe agjencitë e tjera të zbatimit të ligjit morën pjesë në operacion.
Kryebashkiaku i Ladispolit, Alessandro Grando, gjithashtu foli në Facebook: “Luani është qetësuar dhe kapur. Tashmë do të merret në dorëzim nga stafi i cirkut. Falënderoj Policinë e Shtetit, Karabinierët, Zjarrfikëset, Policinë lokale dhe provinciale, dhe të gjithë vullnetarët që shërbyen në këto orë shqetësimi të madh”. Shpresoj – shton ai – që ky episod të trazojë disa ndërgjegje dhe që më në fund t’i japim fund shfrytëzimit të kafshëve në cirk”.
Luani u arratis nga cirku pasditen e së shtunës, ndërsa Organizata Ndërkombëtare për Mbrojtjen e Kafshëve në një shënim e përkufizon episodin si “shembullor. “Kjo nxjerr në pah rrezikun e cirkut nga pikëpamja e sigurisë publike dhe mbi të gjitha shqetësimin për kafshët që janë të detyruara të qëndrojnë në robëri dhe të përdoren në shfaqje”.
