Florim Limaj, vëllai i kreut të Nismës Socialdemokrate Fatmir Limajt, ka rezultuar pozitiv me koronavirus.
Këtë e ka konfirmuar për Metron vetë Florim, duke treguar se ka rezultuar pozitiv dhe është futur në vetëizolim.
Kujtojmë, që gjatë 24 orëve janë raportuar 16 vdekje nga koronavirusi, ndërsa 258 raste të reja. Instituti Kombëtar i Shëndetësisë Publike të Kosovës ka njoftuar se 258 raste të reja janë shënuar në Kosovë, nga gjithsej 480 mostra.
Rastet pozitive janë nga: komuna Prishtinë 53 raste, komuna Pejë 28 raste, komuna Gjilan 24 raste, komuna Ferizaj 18 raste, komuna Fushë Kosovë 15 raste, komuna Podujevë 15 raste, komuna Viti 13 raste, komuna Gjakovë 12 raste, komuna Prizren 12 raste, komuna Vushtrri 11 raste, komuna Lipjan 9 raste, komuna Mitrovicë 9 raste, komuna Dragash 7 raste, komuna Skenderaj 6 raste, komuna Drenas 4 raste, komuna Malishevë 3 raste, komuna Shtime 3 raste, komuna Deçan 2 raste, komuna Istog 2 raste, komuna Kamenicë 2 raste, komuna Klinë 2 raste, komuna Kllokot 2 raste, komuna Obiliq 2 raste, komuna Suharekë 2 raste dhe me nga 1 rast komunat: Han i Elezit dhe Rahovec.
