KSHZ mëngjesin e sotëm ka përditësuar rezultatet e zgjedhjeve lokale, ku në komunën e Çairit deri më tani janë përpunuar votat e 61, nga gjithsej 86 vendvotime. Sipas rezultatit aktual, në Çair më tepër vota aktualisht ka kandidati i BDI-së, Visar Ganiu, respektivisht 10.576 vota ose 48,90%. I dyti renditet Bekim Sali nga ASH-AAA, me 37,26% të votave, ose me 8.060 vota të fituara. Kujtojmë, sipas rezultateve të publikuara në faqen e KSHZ-së, në këtë komunë nuk ka mbaruar numërimi i plotë i votave, përkatësisht do të duhet të numërohen vota edhe nga 25 vendvotime.
