Pas aksidentit tragjik ku humbën jetën dy vajzat 22 dhe 23 vjeç si dhe shoferi 20-vjeçar ka ardhur edhe reagimi i familjarëve të viktimave.
22-vjeçarja, Erisilda Abedini ishte një nga viktimat dhe motra e saj ka reaguar për herë të parë ku ka shprehur dhimbjen për humbjen e saj.
“O Zot akoma se besoj, të mori zoti me vete drita e motrës,” ka shkruar motra ku ka shpërndarë foton e Erisildës.
Ajo gjithashtu shpërndau edhe një foto të dytë ku shkruhej: “Shpirti i motrës ike nga kjo jetë, më shkatërrove jetën, pse o zot”
22-vjeçarja po udhëtonte me makinën tip “Audi” me shofer 20-vjeçarin Klevis Ruçajn dhe 23-vjeçaren Sikela Përroi kur automjeti doli nga kontrolli dhe përfundoi disa metra poshtë një nënkalimi në unazën lindore të Tiranës.
Por për shkak të shpejtësisë tej normave, mjeti nuk u fut në rrethrrotullim, por u përplas me barrierat anësore duke i çarë ato e duke përfunduar disa metra më poshtë, ku u përplas me një tjetër makine që po udhëtonte drejt Elbasanit.
Si pasojë e përplasjes tre pasagjerët në automjetin tjetër Hunday mbetën të plagosur. Dy vajzat humbën jetën në vendngjarje, ndërsa pas disa orësh betejë për jetën në spital ndërroi jetë edhe shoferi 20-vjeçar.
