UNICEF: 70% E NXENESVE 10- VJEÇARE, JANE TE PAAFATE PER TE KUPTUAR NJE TEKST TE THJESHTE
Një studim global i UNICEF zbuloi se humbjet që pandemia Covid-19 ka shkaktuar në arsim ishim më të mëdha sesa u parashikuan. Në vendet me të ardhura të mesme, ku bën pjesë edhe Shqipëria, UNICEF thotë se, aftësitë arsimore në lexim dhe matematikë janë shumë më të përkeqësuara se para pandemisë.
Pandemia ka sjell dëme më të mëdha se sa priteshin në arsim, sipas një studimi global të UNICEF.
Të dhënat që përfshijnë vende që nga Afrika deri në SHBA referojnë se, në vendet me të ardhura mesatare ku përfshihet edhe vendi ynë, 70% e 10-vjeçarëve janë të paafatë për të lexuar dhe për të kuptuar një tekst të thjeshtë, nga 53% që ishte ky tregues para pandemisë në vitin 2019. Humbjet arsimore do të rezultojnë në fitime të munguara gjatë gjithë jetës të këtyre fëmijëve.
ROBERT JENKINS – DREJTOR DEPARTAMENTIT TË ARSIMIT NË UNICEF
“Në mars bëhen dy vjet ndërprerjesh të lidhura me COVID-19 në arsimin global. Humbjet në shkollimin e fëmijëve tashmë janë bërë të pakapërcyeshme .Vetëm rihapja e shkollave nuk mjafton. Nxënësit dhe studentët kanë nevojë për mbështetje intensive për të rikuperuar arsimin e humbur”
Sipas UNICEF, fëmijët e shkollave fillore vlerësohet të kenë mësuar nga 30 deri në 40% të matematikës që do të kishin mësuar nëse do të kishte qenë një vit normal shkollor.
Në disa shtete braziliane, rreth 3 në 4 fëmijë në klasën e 2-të nuk janë të aftë në lexim, nga 1 në 4 fëmijë para pandemisë.
Nga ana tjetër, edhe në SHBA, e cila ka një nga sistemet arsimore më të zhvilluara të botës, humbjet e të mësuarit janë vërejtur në shumë shtete.
Edhe Shqipëria zhvilloi arsimin në distancë për një vit të plotë shkollor, por ende nuk ka të dhëna kombëtare për dëmin e krijuar në aftësitë e nxënësve. Madje veç pandemisë shkollat në vendin tonë mbyllen dhe prej të ftohtit duke sjell dëme të parekuperueshme te nxënësit.
Por ndryshe nga ne që shkollat ishin të parat që mbyllem gjatë pandemisë, vendet e zhvilluara të Europës, gjatë dy viteve të pandemisë, aplikuan masa të ashpra kufizuese në të gjithë fushat e veprimtarisë, përveçse në shkolla, ku nxënësve iu la mundësia të ndjekjes së mësimit në klasë.
Shkollat në Francë, Gjermani etj, nuk u mbyllën asnjë ditë, ndryshe nga bizneset dhe veprimtaritë e tjera, të cilat qëndruan për rreth një vit e gjysmë të mbyllura.
Ajo që po shihet qartë në Shqipëri është tendenca, pikërisht në vitet e pandemisë, e shkurtimit të fondeve për arsimin. Sipas të dhënave të INSTAT, në vitin 2020, fondet për arsimin ishin sa 10.2% të shpenzimeve të përgjithshme buxhetore, në krahasim me 11.4% në 2019. Totali i buxhetit për arsimin arrin këtë vit në 43.7 miliardë lekë, ose 7.2% e totalit të shpenzimeve buxhetore./KlanNews/
