Autoritetet ruse njoftuan se një grua humbi jetën gjatë një sulmi të madh me dronë nga Ukraina, ku u shkaktuan zjarre në ndërtesa banimi dhe u ndërprenë fluturimet në Moskë. Guvernatori i Moskës, Andrey Vorobyov, raportoi se disa apartamente në dy ndërtesa të larta në Ramenskoye u dogjën, duke lënë një grua 46-vjeçare të vdekur dhe tre persona të tjerë të plagosur.
Ministria ruse e mbrojtjes konfirmoi se mbrojtja ajrore kishte rrëzuar 144 dronë, nga të cilët gjysma në rajonin kufitar të Bryansk dhe 20 në Moskë. Për shkak të sulmeve, tre nga katër aeroportet e Moskës u mbyllën dhe mbi 30 fluturime u pezulluan.
Ndërkohë, Ukraina njoftoi se kishte rrëzuar 38 nga 46 dronët rusë që synonin disa rajone, duke përfshirë Kiev dhe Odesën.
