Është bërë një parashikim i ri për Anglinë në këtë Kampionat Botëror, pasi Tre Luanët kaluan në 1/8 e finales. Anglezët triumfuan ndaj Uellsit në Grupin B, me rezultat 3-0, duke siguruar një vend në fazën e eliminimit direkt.
Pas fitores së fundit në stadiumin “Ahmad bin Ali”, Anglia tani do të përballet me Senegalin si nënkampion të Grupit A të dielën në stadiumin “Al-Bayt”.
Nëse Anglia arrin të mposhtë Senegalin në 16-shen e fundit, atëherë lojtarët e Gareth Southgate do të përballen me një kundërshtar edhe më të vështirë në çerekfinalet në Katar. Anglia do të luante më 10 dhjetor kundër fituesve të Grupit D, i cili drejtohet nga kampioni i Botërorit 2018, Franca, ose nënkampionët e Grupit C, vend ky që aktualisht i takon Argjentinës.
Dhe nëse skuadra e Southgate arrin të kalojë në çerekfinale, atëherë Anglia do të luante më 14 dhjetor në gjysmëfinalet e Kupës së Botës. Megjithatë, Kroacia, Japonia, Portugalia dhe Zvicra janë të gjithë kundërshtarë aktualë të përkohshëm për Anglinë në një ndeshje të mundshme gjysmëfinale. Cristiano Ronaldo do ta shohë skuadrën e tij portugeze të humbasë ndaj Anglisë në Kupën e Botës 2022, sipas parashikimit të këtij udhëtari në kohë. Kredia: didzy_dcfc/TikTok
Një përdorues i TikTok, që pretendon të jetë një ‘udhëtar në kohë’, tani ka parashikuar se Anglia do të arrijë në finalen e parë të Kampionatit Botëror që nga viti 1966. Sipas të vetëshpallurit “udhëtar në kohë”, Anglia do të mposht Portugalinë 2-0 në finalen e Botërorit që po mbahet në Katar. Parashikimi sugjeroi që kapiteni i Anglisë, Harry Kane, shënoi në pjesën e parë kundër Portugalisë, përpara se Mason Mount të dyfishonte epërsinë e Tre Luanëve gjashtë minuta nga koha e plotë. /Telegrafi/
@didzy_dcfc ITS COME HOME! #england #portugal #qatar #qatar2022 #worldcup #worldcup2022 #fifa #fyp #foryoupage #football #itscominghome #timetravel #timetraveller ♬ World Cup – iShowSpeed
