Amar Rasha Emel Rasha,Hatixhe Rasha nëna e tyre Floresha Rasha dhe Endri Dumani kanë prekur tokën shqiptare pas shumë vitesh në Siri. Pamjet e kësaj dite të shënuar për ta, janë transmetuar drejtpërsëdrejti nga Top Channel ku shihen se fëmijët u shoqëruan nga kryeministri Edi Rama. Pranë aeroportit të Rinasit kanë qenë të pranishëm edhe dhjetëra familjarë të fëmijëve që po prisnin me padurim kthimin e tyre.
Në këtë pritje nuk kanë munguar edhe lotët. Në një intervistë për gazetarin e TCH, Muhamed Veliu, ministrja e Mbrojtjes Olta Xhaçka nuk i ka përmbajtur dot lotët duke thënë se është shumë e emocionuar.
Gjaçka: Janë fëmijë të vegjël ç’të bëj. Jam shumë e emocionuar.
Ndërkohë ministrja e Shëndetësisë, Ogerta Manastirliu teksa mbante një fëmijë në krah ka thënë: Jam e emocionuar që ja mbërritëm kësaj dite të gatshëm për tu kujdesur edhe më tej. Do i kenë të gjithë me të gjithë integrimin dhe socializimin.
Ndërkohë kryeministri Rama me zërin që i dridhej nga emocionet është shprehur: Shumë mirë, duhet të kthen edhe të tjerët. Po punojmë dhe më herët se vonë do vijnë edhe të tjerët.
