Presidentja Osmani ka denoncuar në Polici për kërcënim publik ish-ambasadorin e Kosovës në Maqedoninë e Veriut.
Rrethohet nga pesë truproje.
Mirëpo siguria e Presidentes së Kosovës siç duket është cenuar së fundmi.
Vjosa Osmani për T7 thotë se me rastin e deklaratës së ish ambasadorit të Kosovës në Maqedoninë e Veriut, Gjergj Degajt, tash po merret Policia e Kosovës.
E se po merren organet kompetente me këtë rast e ka konfirmuar edhe këshilltari për media i presidentes Osmani.
VIDEO
Por, ky denoncim nuk po i bën përshtypje ish-ambasadorit të Kosovës në Maqedoninë e Veriut.
Gjergj Dedaj deri në mesditë ka thënë se nuk është kontaktuar nga organet e rendit.
Ndërsa, Policia e Kosovës nuk janë përgjigjur zyrtarisht për veprimet e ndërmarra për këtë rast, megjithatë Televizioni mëson se kanë pranuar denoncimin nga zyra e Presidencës.
