Turma të mëdha dolën në rrugë në mesnatën e së Premtes në qytetin qendror kinez,në Wuhan, duke festuar ardhjen e vitit 2021 pas një viti të dëmtuar nga një pandemi vdekjeprurëse që vrau mijëra banorë të Wuhan-it.
Sipas traditës, qindra u mblodhën para ndërtesës së vjetër të Shtëpisë së Doganave Hankow, një nga vendet më të njohura të qytetit për Vitin e Ri. Kur ora e vjetër e ndërtesës arriti në mesnatë, shumë njerëz lëshuan tullumbace në ajër, brohorisnin dhe thërrisnin ‘gëzuar vitin e ri’.
‘Unë jam aq shumë e lumtur’ tha studenti dhe turisti 20-vjeçar Yang Wenxuan. ‘Kjo është hera ime e parë në Wuhan. Por numërimi mbrapsht ishte kaq spektakolar këtu’. ‘Shpresoj se mund të fitoj me sukses diplomën time bachelor dhe shpresoj të gjej një të dashur dhe të qendroj këtu’, kishte shtuar i riu Yang.
Kishte një prani të madhe policie dhe kontrolle të rrepta të turmës. Disa personel të sigurimit u panë duke u thënë disa prej pak njerëzve pa maska që ata duhet të vendosnin një një maskë nëse dëshironin të qëndronin në qytet. Megjithatë, numërimi mbrapsht dukej se vazhdonte paqësisht, në një atmosferë të relaksuar. Festimet erdhën 12 muaj pasi Organizata Botërore e Shëndetësisë tha se së pari mori njoftimin për rastet e një pneumonie me një shkak të panjohur në Wuhan, e cila më vonë u bë e njohur si shpërthimi i parë në botë i COVID-19.
Një ekip i ekspertëve të OBSH-së është planifikuar të arrijë në Kinë në janar 2021 për të hetuar origjinën e pandemisë. Wuhan ka qenë kryesisht pa virus për muaj me radhë, dhe ditët e fundit ka vaksinuar disa grupe specifike të popullatës lokale. Por një rritje e vogël e rasteve në qytete të ndryshme kineze, përfshirë Pekinin, u ka kujtuar njerëzve në Wuhan se pandemia nuk ka mbaruar ende.
