Por një gjë është e sigurt. Trump ka ende shumë sukses pikërisht në vendin që ai nga Shtëpia e Bardhë sul*monte më shumë, rivali kinez.
Tezgat e metropoleve si Pekini dhe Shangai janë ende të tejmbushura me materiale të shumta që kujtojnë ish-presidentin amerikan, nga maskat me profilin e tij karakteristik, deri tek këmishët false me emrin e tij si logo, ose kapelet, fjalët më të njohura të qëndisura në bluza, si “Make Amerika Great Again!”. Nuk janë pak edhe ato kinezë që imitojnë stilimin e tij të flokëve.
Por një artist kinez ka arritur në një nivel tjetër, të papritur, duke njohur karakterin e “The Donald”. Bëhet fjalë për një statujë gjigante në qeramikë, me Trumpin në meditim me një veshje që kujton menjëherë Budën.
Artisti Hong Shi e ka quajtur statujën pikërisht “Trump, ose Buda i Parajsës Perëndimore”. “Ai është shumë i suksesshëm, por e mundon shumë veten, gati në obsesion, me shumë ide dhe dyshime”, shpjegon “veprën” artisti.
Ndoshta meditimi do t’i duhej Trumpit, për të vendosur më mirë për të ardhmen, të vijojë si politikan apo t’i rikthehet bizneseve familjare.
