Një ngjarje tragjike ka ndodhur pasditen e sotme për familjen Tahirsylaj nga fshati Isniq i komunës së Deçanit, ku familjari i tyre vdiq pasi derisa po e rregullonte veturën e tij,i ka dështuar vinçi dhe si pasojë vetura i ka rëndë përmbi, shkruan Gazeta Sinjali.
Lajmin për vdekjen e Adem Tahirsylaj e kanë konfirmuar edhe familjarët e tij të cilët kanë ndarë lajmin e dhimbshëm.
“Vdekja jote tragjike na shokoj të gjithë fshatin Isniq, Adem Tahirsylaj pusho në paqe të past shpirti dritë. Ngushëllime familjes dhe të gjithë farefisit”, ka shkruar një i afërm i familjes.
Po ashtu, nga Policia e Kosovës kanë deklaruar se në vendin e ngjarjes ka dalë Emergjenca, ndërsa mjeku kujdestar ka konstatuar vdekjen e viktimës.
“Rreth orës 17:00, policia është njoftuar se një qytetar i fshatit Isniq, gjersa ka qenë duke punuar diçka në veturë të cilën e ka ngritur me vinç, si duket vinçi ka rënë dhe e ka zënë vetura”.
“Menjëherë është njoftuar emergjenca e QKMF-së së Deçanit. Ata kanë dalë në vendin e ngjarjes, mjeku kujdestar e ka konstatuar vdekjen e viktimës. Në vend të ngjarjes kanë dalë edhe njësitë policore kompetente. Më urdhër të prokurorit trupi i pajetë është dërguar për obduksion në IML”, tha zëdhënësi i Policisë për rajonin e Pejës, Fadil Gashi.
