Në lidhje me tragjedinë në Bullgari, Bashkësia Fetare Islame ka realizuar mbledhje urgjente.Në këtë mbledhje, siç njoftojnë nga BFI është kryer lutje për viktimat në tragjedi është vendosur që ritualin e varrimit të viktimave të marrin përsipër BFI në ditën lutjen e të premtes (të xhumanë) të kryhet lutje për viktimat dhe Medreseja Isa Beu në Shkup të lexojë lutje.
Postimi i plotë:Me rastin e tragjedisë së aksidentit të ndodhur në Bullgari në autostradën Struma, të autobusit që udhëtonte në linjën Stamboll – Shkup, ku humbën jetën 45 persona shtetas të Maqedonisë së Veriut, Rijaseti i Bashkësisë Fetare Islame të RMV urgjentisht mbajti mbledhjen e jashtëzakonshme të konvokuar nga Kryetari i BFI, Reisul Ulema H. Hfz. Shaqir ef. Fetai. Fillimisht Bashkësia Fetare Islame e RMV u shpreh ngushëllime të gjithë familjarëve të viktimave, ndërsa të lënduarve u dëshiron shërim të shpejtë.Në fillim të mbledhjes u bë një lutje për shpirtin e të ndjerëve. Më pas Reisul Ulema H. Hfz. Shaqir ef. Fetai i njoftoi të pranishmit për kontaktet e vazhdueshme me Bashkësinë Islame të Bullgarisë si dhe me familjarët e të aksidentuarve. Pas shqyrtimit të situatës së krijuar, Rijaseti i BFI në RMV në këtë mbledhje vendosi që të gjitha shërbimet fetare për ceremoninë e varrimit do ti mbart Bashkësia Fetare Islame e cila do të jetë përkrah familjeve të vik*timave gjatë tërë kohës. Poashtu, Rijaseti i BFI apelon tek të gjithë nëpunësit fetarë që ditën e Xhuma, më 26.11.2021, në të gjitha xhamitë e vendit të bëhet lutje për merhumët, ndërsa Medreseja Isa Beu atë ditë, me të gjitha paralelet e saj do të lexojë hatme për shpirtrat e të ndjerëve. – Shërbimi për Informim i BFI
Ndërkaq, mëngjesin e sotëm një tragjedi ka kapluar Maqedoninë e Veriut. Një autobus i kompanisë “Besa trans” nga Shkupi, me udhëtarë kryesisht shqiptarë, është rrokullisur dhe ka marrë flakë në Bullgaria, teksa ka qenë duke kthyer në vend turistë që kanë qenë për fundjavë në Stamboll të Turqisë. Në aksident jetën e kanë humbur 46 persona dhe janë lënduar 7 të tjerë. Në mesin e viktimave janë edhe 12 fëmijë.
