TikToku e ka paditur shtetin e Montanas të Shteteve të Bashkuara të Amerikës, pasi ky u bë vendi i parë në botë që ua ndaloi banoerëve qasjen në këtë rrjet social, shkroi BBC-ja të martën.
Rrjeti social kinez tha se ky vendim bie ndesh me të drejtat e lirisë së fjalës në SHBA, derisa nëpërmjet padisë po synohet të rrëzohet ky vendim, që TikToku e quajti të paligjshëm.
“Ne po sfidojmë ndalimin antikushtetues të TikTokut në Montana për të mbrojtur biznesin tonë dhe qindra-mijëra përdorues në Montana. Besojmë se sfida jonë ligjore do të mbizotërojë bazuar në një grup jashtëzakonisht të fortë precedentësh dhe faktesh”, tha një zyrtar i këtij rrjeti social.
TikToku është vënë nën shqyrtim nga autoritetet në mbarë botën për dyshimet se të dhënat e përdoruesve mund t’i kalojnë qeverisë kineze.
Edhe në Kosovë është diskutuar mundësia e ndalimit të TikTokut.
