Ata rrezikojnë çdo ditë jetën e tyre. Nuk janë vetëm për t’i mbrojtur dhe për t’ju dhënë siguri banorëve të Vjenës por kanë edhe përgjegjësi tjera. Gazeta austriake “krone.at” ka nisur një anketim për të përzgjedhur “Policin më të mirë të qytetit”. Janë 6 kandidatë e në mesin e tyre edhe polici me prejardhje shqiptare Kaltrin Murati. Votimi mund të bëhet deri më datën 24 shkurt në orën 9 të mëngjesit.
Këta gjashtë zyrtarë policorë që u përzgjodhën përveç që rrezikuan jetën e tyre duke shpëtuar jetët e të tjerëve kapën edhe tregtarë të dro*gës dhe kri*minelë të tjerë. Sipas gazetës “krone.at” vitin e kaluar në një ndërtesë në rrugën Preßgasse në qarkun e katërt të Vjenës kishte ndodhur një shpërthim i një bom*bole gazi ku kishin mbetur dy persona të vd*ekur dhe 15 të lën*duar.
Por falë policit Kaltrin Murati numri i të vd*ekurve nuk kishte rritje. Personat tjerë që kishin mbetur të ngujuar në atë ndërtesë arritën të shpëtojnë gjallë. Ai duke rrezikuar jetën e tij ishte i pari që arriti t’u dalë në ndihmë banorëve. Kaltrini duke u ngjitur nga shkallët ndihmëse kishte dëgjuar një grua e cila bërtiste qante dhe kërkonte ndihmë. Ndërtesa ishte pranë shembjes. Gruaja kishte mbetur e ngujuar nën një gërmadhë në katin e tretë. Ai me qetësi dhe profesionalizëm arriti ta shpëtonte.
Kaltrin Murati është lindur në Vjenë nga prindër shqiptarë. Albinfo.ch merr vesh se 30 vjeçari ka prejardhje nga Tetova. „Ky është profesioni im i preferuar“ thotë polici shqiptar i cili flet rrjedhshëm disa gjuhë të huaja. Ai është në shërbim të sigurisë së qytetarëve për qarqet (Bezirk) 4,5,6 të Vjenës. Në kohën e lirë të tij pëlqen të luajë basketboll dhe futboll. „Trofeun e fitores do të doja ta vendosja inspektoratin policor. Kjo do të ishte një mirënjohje edhe për kolegët e mi“ ka thënë ai për krone.at.
Kjo garë organizohet çdo vit nga Drejtoria e Policisë së Shtetit në Vjenë në bashkëpunim me qytetin e Vjenës. Më 13 Mars kandidati që merr më së shumti vota do të shpallet fitues një mbrëmje festive në bashkinë e qytetit në Vjenë. Për të votuar për policin shqiptar mund të shtypni këtë link https://www.krone.at/2095482 Pasi ta hapni linkun shikoni në fund të faqes ku gjendet emri i Kaltrin Muratit dhe aty mund të votoni.
