Tërmeti shkatërrues i 26 nëntorit la pasoja të frikshme në qarqet e Durrësit, Tiranës dhe Lezhës, ndërsa kjo fatkeqësi gjeti pasqyrim edhe në mediat botërore. Krahas jetëve të humbura, të cilat shtuan më tej plagën për familjarët, një plan tjetër tani që po i shqetëson të gjithë është ai i strehimit.
Lëkundjet e forta sizmike të martën e kaluar pllakosën dhimbje në shumë familje, ku një pjesë e tyre u detyruan të përcillnin para kohe për në banesë të fundit familjaret dhe të afërmit, të cilët mbetën të vdekur poshtë rrënojave. Televizioni gjerman “ARD” ka shkruar gjatë për këtë tragjedi të madhe në Shqipëri, ndërkohë ndalet edhe tek elementi tjetër sfidues për qeverinë, pra tek kostoja e ndërtimit.
