Kryeministri Edi Rama ka vizituar sot banorët e Mamurrasit të prekur nga tërmeti, ndërsa ka parë nga afër situatën. Teksa dëgjoi shqetësimet e banorëve, Rama bëri premtimin publik se brenda vitit që vjen shumica e banorëve të prekur nga tërmeti do të kenë shtëpitë e tyre të reja.
Po ashtu kreu i qeverisë nuk i kurseu batutat me një familje, të cilët brenda një çadre kishin vendosur një ndarje, ku në njërin krah flinin prindërit dhe në tjetrin, djali me nusen.
