Turqia duket e vendosur për qëllimet e saj në Egjeun Lindor. Mediat turke shkruajnë se Turqia ka hapur “Kartën e Lozanës” duke i kërkuar me forcë Greqisë që të demilitarizojë ishujt përballë brigjeve turke.
Fokusi është tek ishujt Chios dhe Kastelorizo. Mediat turke publikuan pamje të gjeneralëve grekë duke vizituar bazën ushtarake në Chios edhe pse sipas marrëveshjes së Lozanës ky ishull bashkë me të tjerë përballë brigjeve turke duhej të ishte i demilitarizuar.
Madje media turke shkruan duke iu referuar autoriteteve ushtarake vendase se në tavolinë është edhe opsioni i rrethimit të ishujve për të detyruar Greqinë që t’i demilitarizojë.
