Mbrëmjen e kaluar është arrestuar kreu i PD-së në qytetin e Gramshit, Elmas Haruni.
Newsbomb.al ka siguruar videon e momentit kur Haruni është ndaluar nga forcat e policisë së bashku me shoferin e tij pasi kanë qenë në automjet në gjendje të dehur.
Në video duket qartë se Haruni kundërshton ashpër forcat e policisë duke përdorur edhe një gjuhë vulgare. Ai nuk ka nguruar të shajë e të ofendojë efektivët e policisë të cilëve i kërkon të dalë nga makina.
Menjëherë pasi nuk i është bindur patrullës ai është vënë në pranga së bashku me Artur Rrodhe dhe Erion Zeneli.
Materialet i kanë kaluar Prokurorisë së Elbasanit për hetime të mëtejshme.
