Kryetari i Lëvizjes BESA, Bilall Kasami ka pritur në takim kryetarin e degës së ASH-së në Tetovë, Altrim Mamuti.
Kasami tha se ky ka qenë një takim miqësor me Altrim Mamutin i cili është kryetar i Aleancës për Shqiptarët – Dega Tetovë.
“Biseduam rreth gjitha zhvillimeve të fundit politike si dhe u dakorduam që të krijohet një formë e bashkëpunimit mes strukturave që ai përfaqëson dhe Lëvizjes BESA me qëllimin e vetëm për të sjellë ndryshimin e shumë pritur në skenën politike shqiptare në Maqedoninë e Veriut” deklaroi Kasami .Sipas tij realizimi i këtij bashkëpunimi është i natyrshëm dhe ka qenë edhe pritshmëri e shumicës apsolute të trupit votues opozitar të shqiptarëve dhe tash përmes një forme tjetër dhe një rrugëtimi pak më ndryshe por me qëllimin e njejtë – dërgimin e BDI-së në opozitë, jemi të bindur se shqiptarëve në Maqedoninë e Veriut i ofrojmë opsionin fitues i cili do garantojë përfaqësim dinjitoz të shqiptarëve në qeverisjen e ardhëshme”, theksoi Kasami.
Edhe Altrim Mamuti përmes një postimi në facebook ka dhënë detaje për takimin:
Një takim miqësor me kryetarin e Lëvizjes Besa z.Bilall Kasami. Biseduam rreth gjitha zhvillimeve të fundit politike si dhe u dakorduam që të krijohet një formë e bashkëpunimit mes strukturave të Aleancës për Shqiptarët që kanë mendim ndryshe rreth ndodhive të fundit në Aleancë rreth çështjeve të mos respektimit të organeve të partisë si për koalicionimet.
Ashtu edhe për mos respektimin e kuvendeve të degëve ku u mohua e drejta e votimit të kandidatëve në një antarë kuvendi një votë por të njejtat kan kaluar me aklamacion si dhe mos respektimin e vullnetit të shumicë për një koalicion me Lëvizjen BESA, ne sot vendosëm për një formë pak më ndryshe veprimi por me qëllimin e vetëm për të sjellë ndryshimin e shumë pritur në skenën politike shqiptare në Maqedoninë e Veriut.
Realizimi i këtij bashkëpunimi me Lëvizjen BESA është i natyrshëm dhe ka qenë edhe pritshmëri e shumicës apsolute të trupit votues opozitar të shqiptarëve dhe tash përmes një forme tjetër dhe një rrugëtimi pak më ndryshe por me qëllimin e njejtë – dërgimin e BDI-së në opoiztë, jemi të bindur se shqiptarëve në Maqedoninë e Veriut i ofrojmë opsionin fitues i cili do garantojë përfaqësim dinjitoz të shqiptarëve në qeverisjen e ardhëshme.
