Një grua të cilës iu ekzekutuan prindërit dhe vëllai në sulmin makabër në Zelandën e Re është shprehur se e ka falur qëlluesin.
Por, gjithsesi, ajo ka një kusht për të.
Ghulam Hussain, bashkëshortja e tij, Karam Bibi, dhe djali i tyre, Zeeshan Raza, të tre nga Pakistani ishin ndër viktimat që humbën jetën nga plumbat që u shtinë në Christchurch.
E vetmja që mbeti e gjallë nga familja ishte motra e Zeeshan-it, e cila jeton në Karachi.
Në një intervistë për mediat, Maryam Gul tha se ajo ka vendosur ta falë 28-vjeçarin që u mori jetën 50 personave.
Ajo u shpreh:
“Si fillim doja që ai të dënohej shumë keq, por pastaj kuptova se ky nuk është shembull i profetit tim. Ai e fali atë person që i ekzekutoi të afërmit. Dua që ai (ekzekutuesi) të bëhet mysliman dhe të pendohet, dhe të shohë se është e gabuar dhe të kuptojë se sa i bukur është Islami “.
