Më 21.12.2024, rreth orës 15:00, policia nga SPB Shtip arrestoi pesë persona nga Shtipi: Lj.D. (45), I.D. (25), A.D. (24), T.D. (22) dhe K.D. (25), pasi sulmuan zyrtarë policorë gjatë kryerjes së detyrave të tyre zyrtare.
Më herët, policët ishin nisur drejt manastirit “Ringjallja e Krishtit” në afërsi të Shtipit, pas një raportimi për një vjedhje. Pas masave dhe veprimeve të ndërmarra për rastin, ata u drejtuan drejt Shtipit. Aty pranë vendit të quajtur “Elkite”, vunë re një mjet transportues i ngarkuar me dru të prerë ilegalisht. Gjatë përpjekjeve për të hetuar rastin, policët u sulmuan nga pesë personat e arrestuar, të cilët përdorën objekte të forta dhe të mprehta, thuhet në njoftimin e MPB-së.
Një polic qëlloi një të shtënë paralajmëruese në ajër, pas së cilës pesë personat u arrestuan. Pas dokumentimit të rastit, do të bëhet një padi përkatëse. Dy zyrtarë policorë kanë pësuar lëndime.
