Moti i stuhishëm ka vonuar fillimin e Kampionatit Botëror të Atletikës në Budapest që nisi sot.
Dhjetëra mijëra tifozë që prisnin të shikonin yjet më të mirë në botë të pistave në nëntë ditë gara, dhe 2000 atletë nga më shumë se 200 shtete u përballën me një stuhi që zgjati më shumë se 2 orë dhe përmbyti stadiumin ku do të zhvillohen garat e Kampionatit Botëror të Atletikës.
Gara e parë ajo e 20 km për meshkuj u shty, ndërkohë që heqja e ujit nga stadium zgjati për disa orë. Garat e para të Kampionatit duhej të nisnin në orën 09:30.
Kampionati i 19-të po mbahet në Hungari për herë të parë dhe vjen vetëm 12 muaj nga edicioni i fundit në Eugene në Shtetet e Bashkuara.
Do të zhvillohen 49 aktivitete në Budapest, me Qendrën Kombëtare të Atletikës të sapohapur që do të presë pjesën më të madhe të veprimtarive. Ceremonia e hapjes është parashikuar të bëhet sot, e shtunë, 19 gusht, ora 17:00.
Organizatorë thonë se pavarësisht stuhisë dhe motit të keq gjithçka do të organizohet sipas planit.
