Rruga nga Prishtina në Hagë, për të arrestuarit nga Zyra e Prokurorit të Specializuar, zgjati disa orë.
E përgjatë asaj kohe, ish-kryetari i Kuvendit të Kosovës, Jakup Krasniqi, në cilësinë e të arrestuarit, nuk kishte pranuar të hajë apo të pijë.
Në raportin tashmë publik të Gjykatës Speciale për arrestimin e tij, shkruan se Krasniqi kishte refuzuar të dy vakte ushqimi të ofruara nga oficerët e speciales, transmeton euronews.
Në raport shkruan se Krasniqit më vonë i është ofruar nga oficerët edhe një pije freskuese, por sërish e kishte refuzuar, ndërkohë që krejt çfarë kishte pranuar ishin një maskë dhe dezinfektant anti-Covid.
Vlen të theksohet se me datën 4 tetor, Hetuesit e Speciales që nga ora 06:00 e mëngjesit kishin nisur bastisjet në shtëpinë e Jakup Krasniqit.
