Kryeministri teknik, Oliver Spasovski pret që vendet e rajonit të arrijnë së shpejti marrëveshje për hapjen e kufijve.
Spasovski shtoi se është në komunikim të vazhdueshëm me kolegët e tij nga vendet fqinje, me të cilët, siç theksoi ai, është duke u diskutuar hapja e kufijve.
“Më herët kam përmendur se kemi mbajtur një konferencë që kishte për temë kryesore hapjen e kufijve dhe hapjen e mundësive midis vendeve të rajonit. Kjo është më e rëndësishmja sepse, nëse hapim kufijtë, do të kemi fluks të lirë të njerëzve, mallrave, shërbimeve dhe kështu do të zgjerohet ekonomia. Unë pres që të arrihet një marrëveshje e tillë, kështu të jemi në gjendje së shpejti të marrim vendime për hapjen e kufijve me të gjithë rajonin”, pohoi Spasovski.
