Analisti, Nexhmedin Spahiu, ka thënë se gjendja në Veriun e Kosovës është serioze, poqë nuk beson se ushtria serbe do ta kalojë kufirin.
Por ai thotë se pushtim nuk nënkupton vetëm ushtria serbe të jetë në Veri, por thotë nëse bandat kriminale arrijnë ta largojnë Policinë e Kosovës atëherë edhe kjo është pushtim.
E në rast pushtimi, Spahiu thotë se ”Kosova nuk ka më ujë“, ndër komunat që do të vuanin pa ujë, sipas Spahiu është edhe Obiliqi.
”Nëse e merr Serbia pushtetin e plotë nuk ka më Kosova, nuk ka më ujë për një pjesë të Kosovës. Nëse nuk ka rrymë për Obililiqin nuk ka rrymë për Kosovën. Kjo situatë e është nëse Serbia e pushton Veriun e nuk nënkupton vetëm me ushtri, por mjafton ato banda me e përzë policinë“, ka thënë Spahiu në DPT te Fidani në T7.
Sipas Spahiut, NATO-ja nuk do ta bombardojë më Beogradin nëse kjo e fundit nuk e bombardon Prishtinën.
”Ndoshta ka me ardhur dita që NATO’u ka me gju bomba në Serbi, por pa u bombardu Prishtina nuk ndodhë ajo”.
‘Kosova duhet me u bë gati me u sfidu me një situatë të vështirë”, ka thënë ndër tjerash Spahiu.
Ai po ashtu ka deklaruar se inteligjenca kosovare ka menduar që serbët do të shkojnë në mitingun e Vuçiqit në Beograd.
“E ka zënë në befasi inteligjencën kosovare të cilët kanë menduar që serbët nuk janë përgatitur”, ka deklaruar ai ndër tjerash. /Gazeta Express
