Të hënën, agjentët e FBI-së zbatuan një urdhër kontrolli në Mar-a-Lago, rezidencën e ish-presidentit Donald Trump në shtetin e rrezeve të diellit siç njihet ndryshe shteti i Florida-s në SHBA. Trump konfirmoi në një deklaratë të publikuar në internet se rezidenca e tij ishte “e pushtuar nga një grup i madh agjentësh të FBI-së”, megjithëse vetë Trump thuhet se ishte në Nju Jork kur u ekzekutua urdhri i kontrollit.
Dihet pak për bastisjen – ose çfarë, nëse ndonjë hap tjetër mund të ndërmarrë Departamenti i Drejtësisë – por edhe ky moment është politikisht dhe historikisht i rëndësishëm. Ka rregulla kushtetuese në lidhje me atë që duhet të bëjë forcat e rendit për të justifikuar kontrollin e pronës private dhe Departamenti i Drejtësisë ka norma institucionale mbi ato për trajtimin e figurave politike që mund të ndikojnë në zgjedhje. Nuk ka gjasa që vendimi për të kontrolluar Mar-a-Lago(rezidencën e Trump) është marrë lehtë.
Nuk është ende e qartë se çfarë kërkonin konkretisht këta agjentë gjatë bastisjes, por CNN raporton disa detaje në lidhje me të. Ndër të tjera, kontrolli “përfshinte ekzaminimin se ku mbaheshin dokumentet” në rezidencën dhe zyrën personale të Trump dhe “u morën kuti me sende”.
Aktualisht, Departamenti i Drejtësisë po kryen dy hetime të njohura për Trump: një mbi përpjekjet e tij për të përmbysur zgjedhjet e vitit 2020 dhe për su*lmin që pasoi më 6 janar në Capitol Hill, dhe tjetri në lidhje me keqpërdorimin e supozuar të Trump të dokumenteve të klasifikuara.
Sipas New York Times, bastisja u përqëndrua në materialin që Trump solli nga Shtëpia e Bardhë në Mar-a-Lago pasi ai la detyrën – material që përfshinte dokumente të klasifikuara dhe dokumente të tjera që i nënshtrohen Ligjit të të dhënave presidenciale, i cili kërkon që dokumentet zyrtare presidenciale t’i dorëzohen Arkivit Kombëtar në fund të mandatit presidencial. Djali i Trump, Eric tha për Fox News diçka të ngjashme të hënën mbrëma.
Përtej këtij raportimi, megjithatë, dihet pak për bastisjen, si lidhet me hetimet më të gjera ndaj Trump, nëse akuzat federale janë të pashmangshme apo edhe nëse ato do të vijnë, dhe nëse ato akuza përfundimisht do të ngriheshin kundër Trump. Edhe Shtëpia e Bardhë raportohet të ketë thënë se është në terr informativ- rrethi i brendshëm i Presidentit Joe Biden thuhet se mësoi për bastisjen nga Twitter në të njëjtën kohë që mësoi edhe tërë populli amerikan.
Me cilat akuza mund të përballet Trump?
Ende nuk dihet se çfarë provash specifike kërkuan agjentët e FBI-së gjatë bastisjes, nëse ata gjetën ndonjë provë të tillë, ose cilat statute specifike ata besojnë se Trump ose dikush në rrethin e tij mund të ketë shkelur.
Nëse raportet se kjo bastisje u fokusua në keqpërdorimin e supozuar të informacionit të klasifikuar nga Trump janë të sakta, megjithatë, Trump mund të ketë shkelur një ligj federal që zbatohet për këdo që “fsheh, heq, gjymton, fshin ose shkatërron, ose tenton të bëjë me dashje dhe paligjshmëri kështu, ose, me qëllim për ta bërë këtë, merr dhe i largon” disa dokumente federale.
Nëse Trump dënohet sipas këtij statuti, ai mund të gjobitet dhe të burgoset deri në tre vjet. Trump mund të akuzohet gjithashtu për shkelje të statuteve të tjera penale për shkak të përpjekjeve të tij për të përmbysur zgjedhjet e vitit 2020 dhe nxitjen e supozuar të su*lmit të 6 janarit – megjithëse, përsëri, është e paqartë nëse kjo bastisje e FBI-së kërkoi prova se ai i shkeli ato statute.
Marsin e kaluar, për shembull, një gjykatës federal përcaktoi se Trump ka shumë të ngjarë të ketë shkelur statutet duke e bërë krim pengimin e e punës zyrtare të Kongresit ose komplotin për të mashtruar Shtetet e Bashkuara. Statuti i mëparshëm parashikon një dënim maksimal deri në 20 vjet burg, ndërsa ky i fundit ka një dënim maksimal deri në pesë vjet.
