Silvio Berlusconi është martuar me partneren e tij, Marta Fascina. Por martesa e 85-vjeçarit me 32-vjeçaren të cilët janë në lidhje prej tre vitesh nuk do të ketë asnjë vlerë ligjore, por vetëm simbolike, kjo për shkak të mosmarrëveshjeve për trashëgimin që Berlusconi ka me familjen e tij.
Ceremonia martesore u mbajt në një pronë historike të quajtur Villa Gernetto në qytetin Lesmo, në veri të Milanos.
Megjithëse nuk kishte as një dasmë në kishë, as një bashkim civil, ngjarja u cilësua si një “festë dashurie” për çiftin, shkruan VanityFair.
Me rreth 50 të ftuar dëshmitarë ish-kryeministrit i Italisë zotoi për përkushtimin e tij ndaj të dashurës së tij Fascina, e cila është 53 vjet më e vogël se ai.
Sipas mediave italiane në ceremoni morën pjesë miq dhe aleatë afatgjatë nga bota e politikës dhe e biznesit.
Marta e cila është deputete e partisë Forza Italia ka jetuar me biznesmenin miliarder për dy vitet e fundit, që kur ai u nda nga e dashura e tij e fundit e re, Francesca Pascale.
Fascina është e diplomuar në Letërsi dhe një karrierë politike e nisur në radhët e Forza Italia, punoi në zyrën e shtypit dhe marrëdhënieve me publikun në Milano, përpara se të transferohej në Fondacionin Milan.
Për Silvio Berluskonin kjo është martesa e tretë: e para ishte me Carla Elvira Lucia Dall’Oglio, nëna e Marinës dhe Pier Silvio, më pas dasma me Veronica Lario, e cila e bëri atë baba të Barbara, Eleonora dhe Luigi.
